ශ්‍රී ලංකාවේ පොදු ප්‍රවාහන සේවය ජාත්‍යන්තර තත්වයන්ට සමගාමී කරමින් ප්‍රථම බහුවිධ ප්‍රවාහන මධ්‍යස්ථානය මහජන අයිතියට පත්වන වගයි. ඔබගේ ගමනාගමන අවශ්‍යතා සඳහා බස් හා දුම්රිය සේවා එකම මධ්‍යස්ථානයකින් වඩාත් කාර්යක්ෂම ලෙස ලබා දීමට මෙම බහුවිධ ප්‍රවාහන මධ්‍යස්ථානයෙන් පහසුකම් සලසා ඇත. මෙය අප රටේ වර්තමානයේ පොදු ප්‍රවාහනයේ පවතින දුෂ්කරතා සාර්ථකව ජය ගැනීමේ යෝධ පියවරක් වනු අත.

කොට්ටාව - මාකුඹුර බහුමාදිලි ප්‍රවාහන මධ්‍යස්ථානය කොළඹ නගරය තුළ සහ අවට වාහන තදබදය අවම කිරීමේ සහ විශාල ජනපිරිසක් ජීවත් වන නාගරික ප්‍රදේශවලින් බැහැරටද සංවර්ධනය ව්‍යාප්ත කිරීමේ අරමුණ ඇතිව කි‍්‍රයාත්මක කරන ලද ව්‍යාපෘතියකි. කාලය සහ ඉන්ධන වැනි වටිනා සම්පත් නාස්තිය අවම කරමින්, තිරසාර ආර්ථීක සංවර්ධනය උදෙසා දායකත්වය සැපයීම මෙහි අරමුණ වෙයි.